من طرف Mr.AboZaid الأربعاء يونيو 02, 2010 6:30 pmيمناسبة اعلان فيلم احمد حلمى الجديد
منقول للضحك بس
مفيش أغراض سياسية [ندعوك للتسجيل في المنتدى أو التعريف بنفسك لمعاينة هذه الصورة]
غالي
بعض المصريين فرحوا لفوز د.يوسف
بطرس غالي بمنصب مهم في صندوق النقد الدولي، بس مصريين اكتر زعلوا لما
عرفوا ان المنصب الجديد مش هايخليه يسيب الوزارة
*******
طابور الصباح
وزير التعليم اتأخر على موعد زيارته لمدرسة، والمديرة نزلت العيال من
الفصول عشان يعيدوا الطابور تاني قدام سيادته، لكن اللي يفقع اكتر ان
الوزير ينصح التلاميذ في كلمة الصباح بأهمية تحقيق المزيد من الجودة
والإتقان في العمل
*******
المصري بيشمت في مصائب بلده
مين قال ان المصري بيشمت في مصائب بلده، قطع لسان اللي يقول كده، المصري عمره ما يشمت في مصايب بلده، بس هو يحس الأول انها بلده
*******
القطن المصري
التقارير الرسمية حذرت من خطورة تراجع مساحة الاراضي المزروعة بالقطن في
مصر وقالت اننا بقينا نستورد القطن من اسرائيل لكن وزير الزراعة خرج علينا
بتصريح عجيب وقال ان الوضع ده في صالح الفلاح المصري لأن السعر ارتفع بعد
تناقص الانتاج.. اللهم اني صائم
*******
خبراء اجانب لتقدير فاتورة الميه
الحكومة هاتجيب خبرا اجانب يقدروا قيمة فاتورة الميه، يا ريت الخبرا دول
ما ينسوش يحسبوا مصاريف علاج الأمراض الناتجة عن شرب الميه وحرق دم
المواطنين اللي الميه بتجيلهم ساعتين بس في اليوم والاّ والله نطالب احنا
كمان بخبرا اجانب يجيوا يمسكوا البلد بدل الحكومة دي
*******
تصدير جلود الحمير للصين
الحكومة وافقت على تصدير جلود الحمير للصين لكن ماتعرفش لحوم الحمير دي
بتروح فين، متهيألي لو كلفوا نفسهم وعملوا حملة زي بتاعت حلاوة العنتبلي
عالجزارين وبتوع الشاورمة والحواوشي هيلاقوا الحمير اللي اتدبحت قاعدة
تنهق في بطن الناس قدام المحلات
*******
مباراة الاهلى والحكم في قضية العبارة
صدفة غريبة جدا.. مش ملاحظين ان الحكم في قضية غرق العبارة كان فى نفس
اليوم لمباراة الاهلى والزمالك.. تفتكروا الناس بكرة هتفتكر الحكم كان ايه؟
*******
لا اعتراض على قضاء ربنا
بمناسبة الشاب اللي اول ما رجعوه مطار القاهرة قرر ينتحر بدل مايبوس الارض
زي زمان.. واحد بيقول لزميله لو لم أكن مصريا كان يبقى قشطه جدا، زميله
نهره بشده وقاله حرام عليك لما تعترض على قضاء ربنا
*******
مطار الانفاق
موضوع تاكسي رجال الاعمال الطائر بيفكرني بالإعلان بتاع مطار الانفاق..
البيه يديلهم مسداية يفتحوله المطار وفيه تلاقي الجيم والمول وكل
الحبشتكنات واحنا تحت نكح تراب.. الا صحيح مفيش اخبار عن الاسعاف الطائر؟
*******
الصحافة فين واحد معقم اهوه
الاوربيين مش عاجبهم مستوى النظافة في مستشفياتهم وعاوزينها تتعقم اكتر..
امال لو حد منهم دخل مستشفياتنا هايعمل ايه؟؟.. اكيد هايجري وتطلع
الجراثيم والامراض تجري وراه تقول: الصحافة فين واحد معقم اهوه
*******
ما تروحوا إسرائيل
غاز طبيعى لإسرائيل.. أرز لإسرائيل .. عجول لإسرائيل.. أمن لإسرائيل.. أكل
لإسرائيل.. شرب لإسرائيل.. كله لإسرائيل .. مينفعش الحكومة ترحمنا وتروح
بالمرة هى كمان إسرائيل
*******
عزبة أبوهم
مصر بتبيع الغاز الطبيعي لحبايبنا وجيرانا الاسرائيليين الطيبين ب1.6
دولار للوحدة وهو بيتكلف 2.6 دولار للوحدة وممنوع نزود سعره مهما حصل طول
مدة العقد اللى هو تقريبا كله سري.. هو احنا عايشين في دولة ولا حاجة تانية
*******
ميزانية الداخلية وميزانية الصحة والتعليم
في الدول (المتحضرة) يأتي الاهتمام بالعلم و الصحة في المقدمة وفي مصر
تخفض ميزانية محو الامية من 50 مليون الى 10 مليون جنيه كما خُفضت ميزانية
التعليم بمقدار مليار و 900 مليون في حين زادت ميزانية الداخلية (الاعلى
بين الوزارات) مليار و180مليون جنيه.. فعلا بلدنا بتتقدم بينا وسلملي على
الفكر الجديد
*******
لا تعليق على احكام القضاء
في يوم واحد وفي توقيت متقارب.. الحكم مدنيا ببراءة هاني سرور وكل من معه
في قضية اكياس الدم الملوثة.. والحكم عسكريا بالسجن على 25 من الجماعة
اياها في القضية اياها.. حد فاهم حاجة؟
*******
احنا ما بنعرفش ناكل
أكّد وكيل أول وزارة التضامن في برنامج حديث المدينة ان مشكلة الخبز انتهت
وان حصة الدقيق كافية لانتاج خبز يكفى الشعب كله و كده اتضح ان المشكلة فى
الشعب لأنه ما بيعرفش ياكل وبيحب الطوابير والزحمة ومش واخد باله ان
المشكلة حلها انه ياكل فينو وبيتي فور
*******
الحكومة ضارة جداً بالصحة
بعد إلغاء دعم الخبز وغلاء السكر والأرز والزيت والسمن وباقى ضروريات
المعيشة قررت الحكومة استيراد أحبال جيدة الصنع تصلح للشنق، مع استيراد
أطنان من سم الفئران. وهذا لزيادة الطلب على الأصناف المذكورة!! على أن
يكون مكتوبا على كل حبل وعلى كل علبة سم... الحكومة تضر بالصحة وتسبب
الوفاة
*******
غاز مصر ياعيني عليه
وزير البترول يصرح بأن أسعار عقد الغاز مع اسرائيل سرية.. عنده حق يا
جماعة ..هو الغاز بتاع الشعب المصري علشان يسأل على سعره والارباح اللى
جاية منه؟!.. دا بتاع الحكومة والرجالة الكبار.. بطلوا حسد وقرّ على الناس
*******
صباحو وطنية
الفنانة الكبيرة شيرين.. آه ياليل سابقا، وماشربتش من نيلها حالياً..
سافرت أمريكا علشان تولد وبنتها تاخد الجنسية الأمريكية.. وسلّملي على
الاغاني الوطنية وأهو كله اكل عيش.. وسلام كبير للوطنية
*******
احنا أسُود على بعض بس
السيد الاستاذ احمد ابو الغيط.. يعني ما سمعناش انك كسرت رجل حد من
الاسرائيليين لما الطفلة المصرية اتقتلت على الحدود بالرصاص.. هو احنا
أسود على بعض بس؟
*******
الرواتب العالمية
تبرر الحكومة ارتفاع الأسعار بانها ظاهرة عالمية.. طيب يا ترى هل ستصل الرواتب فى مصر إلى العالمية أم ستظل محلية؟
*******
اتفقوا علينا احنا
يا جماعة احب اهنيكم بالمناسبة السعيدة فأخيرا اتفق وزراء الداخلية والإعلام العرب على حاجة.. بس المشكلة انهم اتفقوا علينا احنا
*******
البرلمان الأوروبي ينتقد حالة حقوق الإنسان في مصر
مصر تستنكر بشدة وترفض رفضا قاطعا مشروع القرار المقدم إلى البرلمان
الأوروبى حول حالة حقوق الإنسان فيها وسرور يهدد بفتح ملفات انتهاك حقوق
الإنسان فى أوروبا.. لا تعليق
*******
مصر المـ(خـ)ـروسة
هو بعد كل شهر والتانى يموت لنا واحد على الحدود مع إسرائيل و بعد كده
يرجعوا يقولولنا معلش ماخدناش بالنا إحنا غلطانين؟.. أنا عايز أعرف حاجة
هو إحنا ما بنغلطش زيهم ليه؟!؟
*******
الحرية
من أبرز احداث 2008 اتساع هامش الحرية فى مصر بشكل غير مسبوق، فالآن
المواطن يستطيع أن يختار وبكل حرية.. كارت.. كنترول .. أو خط فاتورة مفتوح
*******
تطبيع
سمعنا أن الحكومة ناوية تطبّع مع الإيرانيين.. أنا بقولها من باب أولى انها تطبّع مع المصريين الأول
*******
عقبال المترو
تعتزم الحكومة تشغيل قطار سريع يقطع المسافة بين القاهرة والإسكندرية في
45 دقيقة.. نتمنى تشغيل مترو يقطع المسافة من حلوان الى المرج في نفس المدة
*******
الأرض الزراعية
لمواجهة مشكلة نقص مساحة الأرض الزراعية وللحد من إستيراد المواد الغذائية
بالدولار يمكن للحكومة زيادة الإنتاج الزراعي ومضاعفة مساحة الأرض
الزراعية وذلك بصدور قرار وزاري بجعل الفدان 12 قيراط بدل 24 قيراط
*******
الاخضر خدمة مميزة
الحكومة مشكورة ممثلة فى هيئة النقل العام عاوزة تعمل خدمة مميزة
للمواطنين فقامت بطلاء الاتوبيسات والمينى باص القديمة باللون الاخضر
وضاعفت الاجرة وكتبت عليها (خدمه مميزة) امال لو بقى لونها تيريكِواز
الأجرة هاتبقى بكام؟
*******
حرق القش
محافظة الدقهلية تحيل عشرات المزارعين إلي النيابة العامة لقيامهم بعمليات
حرق لقش الأرز في وضح النهار.. أحسن.. علشان مش صابرين لما الليل ييجي
*******
التقدم في مصر
بعد الاعلانات عن التقدم العلمي والصناعي والزراعي الرهيب اللى بتشهده مصر
واللى القنوات المحلية خلتنا حفظاها.. خلاص مابقاش بينا وبين اليابان إلا
خطوة واحدة
*******
مكافأة جنيه زيادة لعمال النظافة في كفر الشيخ
مجلس محافظة كفر الشيخ قرر زيادة أجور عمال النظافة من 6 جنيهات يوميا إلى
7 جنيهات وذلك تشجيعا لهم.. يالاّ علشان يجوزوا العيال واللي عاوز يبني
الدور التاني كمان واتبرعوا بالباقي لسداد ديون مصر.. وعجبي
*******
تحت خط الفقر
وزير التنمية
الاجتماعية بيقول ان 3% بس من الشعب المصرى تحت خط الفقر.. واضح ان اللى
كتب البيان لسيادة الوزير غلط وبدل ما يكتب: فوق.. كتبها: تحت
*******
الجركن
بعد أزمة المياه يبدو أن ثقافة الجركن ستجتاح مصر وسيصبح من لوازم جهاز
العروسين.. وسيخرج مطرب يغني الجركن الجركن.. ويتنافس مرشحو البرلمان على
شعار الجركن.. بلا بنية اساسية بقى بلا بتاع
*******
عصر الحكومة الذكية
مصر فيها حكومة ذكية هاتعمل محطة فضائية وتبني مفاعلات نووية والناس
هاتركب المواصلات بكروت الكترونية.. بس مش عارفة توصل المَيّه للحنفية..
وعجبي
*******
الفلوس بتروح فين؟
اتفاقيات بالملايين للتنقيب عن الغاز وقناة السويس تحقق ارباحا قياسية
خلال الاشهر الماضية واراضي وشركات تباع بالملايين.. نفسي اعرف الفلوس دي
بتروح فين؟
*******
بلدنا بتتقدم بيهم
في نفس اليوم اللي كانت ايران بتحتفل فيه باطلاق اول قمر صناعى تصنيع
محلى، رغم الحصار اللي بتتعرض ليه من الغرب، كان دكتور نظيف بيلقي خطابه
في مجلس الشورى وسط الظلام بعد الكهرباء ما قطعت 4 مرات.. فعلا بلدنا
بتتقدم بيهم
*******
مجزرة غزة
واحد صاحبي بعد ما شاف الجثث والمصابين ومشاهد الدمار في غزة قالي: ايه ده هي الحكومة المصرية بتكره حماس قوي كده؟
*******
مصير عم صبحي
بعد ما اتضرب بوش بالحذاء قال عم صبحي ماسح الاحذية على مقهى بوسط البلد
بالقاهرة: والله انا خايف الامريكان يقرروا ان تمشي الشعوب العربية حافية
خشية تكرار الامر مع روساء وطغاة آخرين وساعتها هضيع انا في الرجلين
*******
اعلام الريادة اللي كاسفنا
التليفزيون المصري اشترى المسلسل التركي مهند ونور بعد ما الدنيا كلها
شافته وحفظته بخمسة مليون جنيه مش كان الاحسن يدفعوا المبلغ ده في تطوير
البرامج ولا تدريب المذيعين بدل اعلام الريادة اللي كاسفنا في كل حتة ده
*******
جلد الاطباء المصريين
وزير الداخلية السعودي زعلان من "تطاول الحملات الصحافية المصرية على
الشعب السعودي" ووزارة الصحة السعودية بتتهم وسائل الاعلام المصرية
بالغوغائية.. معاكو حق ماهي اصلها لو ماكانتش اميرة سعودية ما كانش العقاب
عدى عقوبة شارب الخمر.. وعجبي
*******
بلد العجايب
بسبب سيل الإعلانات اللي بتروج للمنتجعات والقرى السياحية اصبح الجيل
الجديد من الاطفال يعتقدون ان الهيلكوبتر والتليفريك هما وسيلة المواصلات
اللي بيستعملها عامة الشعب وان اللعبة الشعبية الأولى فى مصر الآن هى
الجولف
*******
البورصة
الحكومة قعدت تقولنا استثمروا فى البورصة وعملت الحملة الاعلانية بتاعة
سهم فى الايد انت مالك ومستفيد، وفي الاخر الراجل خسر تحويشة عمره في
البورصة وانتحر، آدي أخرة اللي يصدق الحكومة ويسمع كلامها
*******
محطة وحزب
في عام 1956 حاربنا انجلترا وفرنسا وإسرائيل.. وفي عام 1973 حاربنا
إسرائيل ومن خلفها أمريكا.. واليوم نحارب محطة تليفزيون قطرية وحزب لبناني
*******
إسقاط الجنسية المصرية عن الحكومة
يا ريت اللي بيطالبوا بإسقاط الجنسية المصرية عن كل مصري اتجوز من
إسرائيلية ماينسوش كمان الناس اللي بقالهم سنين طويلة متجوزين إسرائيل
نفسها
*******
هشام طلعت
الدفاع عن هشام طلعت بيقولوا أنهم هايركزوا في مساعيهم لإنقاذ رقبته من
المشنقة على دوره في توفير فرص عمل للشباب وانه احد أعمدة الاقتصاد
المصري.. مش ناقص غير انهم يطالبوا المحكمة بتكريمه وإعطاءه شهادة تقدير
*******
عز والبنزين
أحمد عز اجتمع بمسئولي البترول وطلع بعدها وقال لا تفكير في رفع أسعار
البنزين، والنبي ياخواننا حد يفكر الجماعة دول بحاجتين، أولاً: ان سعر
البترول نزل في العالم كله لتلت تمنه تقريبا، الحاجة التانية والأهم: ان
احمد عز مش وزير البترول
*******
نقل الحديقة
الحكومة قررت نقل حديقة حيوان الجيزة إلى مدينة 6 أكتوبر وبيع ارضها للمستثمرين.. الحمد لله ان الزرافة ماتت قبل ماتشوف اليوم ده
*******
مسااااء الخيييييير
مساء الخيييييير.. الحكومة استوردت 13 الف طن ذرة فيها بذور حشيش.. ويبقى
كدة الحكومة مش حرمانا من حاجة.. بتأكّلنا وتكيّفنا.. ربنا يخليكي لينا يا
حكومتنا ياام دماغ عالية يامظبطانا
*******
اسكواش في السيدة
الدكتور سرور افتتح ملعب اسكواش في السيدة زينب.. أظن كده هانت ومش فاضل
للحكومة غير حاجات بسيطة وتحل مشاكل العشوائيات في القاهرة، يدوبك صالة
بولينج في اسطبل عنتر وملعب جولف 18 حفرة في حكر ابو دومة
*******
وزارة الكهربا واللمبات
وزارة الكهرباء تدعو المواطنين لترشيد استهلاك الكهرباء وشراء لمبات موفرة
للطاقة.. طيب ما توفروا على المواطن فاتورة النظافة الاول اللي بيدفعها
وبرضه بيشيل الزبالة بنفسه.. ولاّ هو الباشا صاحب مصنع اللمبات مش عارف
يسوّق انتاجه في مصر؟
*******
عادتنا ولاّ هانشتريها
كلاكيت عاشر مرة.. ممكن نوصل كاس العالم لو فازت فلانة على علانة واتعادلت
سين مع صاد وفزنا في باقي المباريات بفرق تسع اهداف، بس يا خسارة ده ما
بيحصلش وفى الآخر فلانة اوعلانة هما اللى بيوصلوا.. عادتنا ولا
هانشتريها.. والى اللقاء في 2014
*******
التغيير الوزاري
يعني يوم ما ربنا يكرمنا بالتغيير الوزاري اللي بقالنا سنين بنطالب بيه،
يتشال وزير الري اللي محدش سمعله حس وتتعاد وزارة السكان اللي محدش عارف
بتعمل ايه بالظبط، صحيح اللي ليه ضهر مايتشالش في تغيير وزاري محدود..
ويطلع لسانه للشعب المهدود
*******
أسئلة بريئة
أسئلة بريئة.. ليه التلوث محاوطنا في كل حتة رغم ان رئيس الحكومة اسمه
نظيف، وليه الغم راكبنا رغم ان رئيس مجلس الشعب اسمه سرور؟ ليه التعليم في
الجامعات في الأرض رغم ان وزير التعليم العالي اسمه هلال؟ لو عرفت الإجابة
اتصل بالحزب الوطني لتفوز بجائزة قيّمة: سيخ ماركة حديد عز
*******
المواقع الاباحية
القضاء امر بحجب المواقع الاباحية في مصر، بس يا خوفي الحكومة تفهم الحكم
دي بطريقتها وتقفل مواقع المعارضة والبلوجز، وأي موقع يوجعلها دماغها
تقولك قفلناه لأنه اباحي، انت هاتعرف اكتر من الحكومة؟
*******
فول مصر العظيم
الحمد لله على نعمة الفول، ربنا حارسه من الأنفلونزا وأمراض الطيور
واللحمة، اللي هي أصلا أكلات موسمية ونسيناها من زمان.. ربنا يحميك يا فول
مصر العظيم
*******
الحكومة بتحفظ مش بتفهم
اتعودنا كل ما يحصل حريق الحكومة تقول ان السبب ماس كهربائي، وساعة ما
العربية انفجرت قدام الكنيسة قالوا برضه ان السبب ماس كهربائي، واضح جدا
ان حكومتنا فاهمة مش حافظة
*******
تقديم الساعة
المفروض نحتفل كلنا باليوم القومي لتقديم الساعة في التوقيت الصيفي علشان باين كده ان هي دى الحاجة الوحيدة اللي بتتقدم في مصر
*******
الشتيمة بتلزق
مصر بتدعو ليبرمان لزيارتها ودعوه رسمية سلمهالوه مدير المخابرات في
القدس، مش ليبرمان ده برضه اللي شتم مصر؟ ولا احنا بنتعامل مع اسرائيل
بمبدأ اللي بيشتم ربنا يسامحه والشتيمة مبتلزقش؟
*******
بعد زيارة اوباما
بعد انتهاء زيارة اوباما للقاهرة، الحياة رجعت مرة تانية لطبيعتها، الفوضى
رجعت والزحمة رجعت والدوشة رجعت.. والزبالة عادت إلى قواعدها سالمة
*******
الحمد لله
أخيرا ضمنت وظيفة في أوروبا بعد 41 سنة من دلوقتي بعد تصريحات الوزيرة أن
أوروبا حتحتاج للعمالة العربية سنة 2050.. أهو الواحد يكون لشّه في عز
شبابه برضو ويبدأ يكوّن نفشه ويتجوّش وهو عنده شبعين شنة
*******
رسالة
الحكومة هاتبعت رسالة على موبايل سائق السيارة بتسجيل مخالفة مرورية له
فور ارتكابها، وطبعا السائق هايمسك الموبايل عشان يشوف الرسالة فيروح واخد
مخالفه تانية عشان استخدم الموبايل اثناء القيادة، ويبعتوله رسالة بيها،
فيمسك الموبايل فياخد مخالفة تالتة.. ويفضل كده لغاية مايروّح بيته
بالسلامة
*******
تغيير
كم جاموسة نحتاج للتغيير؟؟
*******
اقتراح للحكومة
عندي اقتراح حلو للحكومة هاتخليها تضرب عصفورين بحجر واحد.. ممكن تعاقب اللي بيحرقوا قش الارز بالحكم عليهم بركوب قطار الصعيد
*******
أعداء المصريين
اهم المتسببين في مصرع المواطن المصري هذه الايام: الماس الكهربائي..
المختلين عقليا.. الرصاص الخطأ.. الهبوط المفاجيء في الدورة الدموية اثناء
التواجد باقسام الشرطة.. والان اضيف لهم: الجاموس
*******
السبب المعتاد لكل الحوادث
صرح مصدر مسئول أن سبب حادث قطار العياط هو تعرض جاموسة "مختلة عقليا" الى
"ماس كهربائي" مما أدى الى سقوطها "قضاء و قدرا" أمام القطار
*******
انت في مصر
بعد حادث العياط هيكون الشعار الجديد لهيئة السكة الحديد: المصرى اللى على حق.. يموت فى القطر من غير ما يقول لأ
أو: متخربش القطار سيبهولنا واحنا حنتصرف، استعد انت بس للقاء رب كريم
*******
واتشافيزاه
بعد ما شاف كتير من العرب المواقف القوية والجريئة اللي اتخذها زعماء
اجانب في مواجهة العدوان الاسرائيلي على غزة بعكس مواقف حكامنا الحكيمة،
تغير النداء التاريخي الشهير: وامعتصماه.. إلى: واتشافيزاه و: واأردوجاناه
*******
من اجل مين؟
شعار مؤتمر الحزب الوطني هذا العام "من أجلك أنت" .. "أنت" دي راجعة على مين بالظبط؟
*******
عساكر الجيش
بطولة كأس العالم للشباب اللي استضافتها مصر حققت رقم قياسي في نسبة
الحضور الجماهيري للمباريات بعدد 1295568 مشجع.. اكتر من نصهم عساكر جيش
لابسين ترنجات ملونة
*******
عباس
عباس بيقول ان قيادات حماس هربت على سينا في سيارات اسعاف وقت حرب غزة..
ده طبعا على اساس ان مصر وكالة من غير بواب.. بس البشمهندس ابو مازن نسي
يقولنا سعيد صيام ونزار ريان وولاد محمود الزهار استشهدوا في انهي منطقة
في سينا بالظبط؟
*******
شعب الله المحتار
مفيش شعب على وجه الارض محتار دلوقتي زي المصريين.. 2/صفر تطلعنا كاس
العالم ولاّ لأ؟، نودي عيالنا المدارس ولاّ لأ؟، النقاب صح ولا لأ؟، الحج
هيتلغي ولا لأ؟، مصل انفلونزا الخنازير مضر ولا لأ؟.. بقينا شعب الله
المحتار
*******
النقاب
المسلمين معتصمين داخل المسجد الأقصى لحمايته من الصهاينة المتعصبين اللي
عايزين يقتحموه.. والعالمة الإسرائيلية فازت بجائزة نوبل في الكيمياء..
واحنا عمالين نقطع في بعض ونتخانق ونصرخ: النقاب صح ولا غلط؟
*******
إيطاليا هي عقدتنا
كنا فاكرين اننا بقينا عقدة ايطاليا، طلعت إيطاليا هي اللي عقدتنا.. دايما
بعد ما نفوز عليها نخسر الماتش اللي بعده من فريق ضعيف ونودع البطولة اللي
بنلعب فيها.. بلاش نفوز على إيطاليا بقى بعد كده
*******
شاليط
اسرائيل بقالها 3 سنين بتتفاوض على جندي أسير ولسه بيناضلوا علشان يحرروه،
ورضيوا يفرجوا عن 20 اسيرة مقابل دقيقتين فيديو عنه.. هما الجماعة دول
مكبرين الموضوع ولا احنا اللي ما نعرفشي قيمه البني ادم؟
*******
الاسماء الخماسية
خلاص يا جماعة بقينا متخصصين في ترويق ايطاليا الف مبروك يا شباب مصر.. بس
فيه ملاحظة بسيطة.. نفسي اعرف مين العبقري صاحب فكرة كتابة اسماء اللاعبين
خماسية على شاشة التلفزيون المصري.. هو احنا هانطلعلهم بطاقة؟
*******
إيران
وزير الخارجية احمد ابو الغيط بيقول ان إيران دولة إسلامية صديقة وشقيقة
وليست عدوا وان الخطر جاي من القدرات النووية الإسرائيلية.. بجد حمد الله
على السلامة
*******
الدكتور: نظيف
سؤال لرئيس الوزراء الدكتور (نظيف) .. تفتكر يا دكتور (نظيف) ينفع شوارع
القاهرة والجيزة تبقى بالقذارة دي يا دكتور (نظيف) واحنا سنة 2010 يا
دكتور (نظيف)؟
*******
تصدير الغاز
طبعا الحكومة دلوقتي مزقططة بعد حكم القضاء الاداري بالغاء الحكم السابق
بوقف تصدر الغاز لإسرائيل، واي حد هايتكلم في الموضوع ده هاتقوله انا
معايا حكم محكمة وكله بالقانون، إلا صحيح، ايه اخبار ازمة انانبيب
البوتاجاز؟
*******
ليه يا بلدى
بعد العناء والبهدلة روحت بيتي وبفتح التليفزيون عشان انسى همومي واتفرج
على ماتش الفريق اللى بحبه لاقيتهم بيقولوا مش هانذيع الماتش عشان ازمة
البث.. ليه كده يا بلدى ده.. انا حتى والله عملت كل اللى بيقولوا عليه..
شربت من نيلها وجربت اغنيلها
*******
معاملة اليهود
فرحنا جدا بأخبار تركيب الغاز الطبيعي فى مناطق كثيرة.. الحمد لله اخيرا الحكومة عاملتنا معاملة اليهود
*******
كوانتم إنتانجلمنت
الدكتور زويل بيقول ان العالم سيشهد ثورة تكنولوجية اسمها كوانتم
إنتانجلمنت هاتخلي الإنترنت حاجة قديمة.. يا سلام، طب وايه يعني، ما احنا
كمان الحكومة بتاعتنا ابتكرت مشروع فصل الانتاج عن التوزيع وقضت على 70%
من مشكلة رغيف العيش
*******
يا شباب
الخارجية بتحذر الشباب المصري من عواقب الهجرة غير الشرعية لأوروبا عبر
أوكرانيا.. قصدها يعني يا شباب تشوفوا دولة تانية تهاجروا منها لأوروبا
*******
التدخل الخارجي
أحمد عز بيقول ان السيارات الفارهة والمحمول دليل على رفاهية مصر، ونحن
بدورنا كمصريين نرفض التدخل الخارجي ونطالب عز وحزبه وحكومته بعدم التدخل
في شئون مصر واصدار تصاريح كاذبة عن بلادنا..هم مالهم ومالنا؟
*******
نية عز
يا أخي أحمد عز ده في شيء لله، الراجل يا دوب قال تصريحه بتاع رفاهية
المصريين من هنا ويقوم ربك باعتله نتيجة استطلاع دولي بيأكد ان المصريين
اكتر شعب في العالم ساخط على أوضاعه المالية.. روح يا شيخ ربنا يديلك على
قد نيتك كمان وكمان
*******
اهانات
مروة الشربيني اتقتلت في المانيا عشان محجبة، والرئيس السادات اتهان في
فيلم امريكي، ومشجعي نادي شالكة الالماني بيسيئوا للرسول، والسفارات
الأوربية بتهين المصريين في القاهرة.. هي الناس دي مش لاقية حد يلمها ولا
إيه؟
*******
حرق الاسعار
السيد عقيل بشير رئيس الشركة المصرية للاتصالات يتهم شركات المحمول بحرق
الاسعار لتخفيض قيمة المكالمات ويصفها بأنها ليست في صالح المواطن!!!..
أمال رفع السعر بأثر رجعي وزيادة قيمة الاشتراك والاحتكار هو اللى في صالح
المواطن يا سيد عقيل؟
*******
كذبة ابريل
ابوتريكة راح الزمالك.. الحكومة رخصت أسعار البنزين وزودت المرتبات بنسبة
25%.. وقررت منع تصدير الغاز لإسرائيل وصرف إعانة بطالة للشباب.. كل سنة
وانتوا طيبين.. دي عينة من كذبة ابريل اللي انتشرت السنة دي
*******
قانون الطوارئ
الحمد لله قانون الطوارئ اقتصر على الارهاب والمخدرات.. وبكده القانون ح يدي الحق للمعتقل انه يختار يكون ارهابي أو تاجر مخدرات
*******
الرشوة بالفيزا كارد
وزير التنمية الإدارية بيقول ان تقديم الخدمات الحكومية عن طريق الانترنت
هايقلل من الفساد بين الموظفين، بس يا خوفي الموضوع يرسى في الآخر على
تطوير الفساد نفسه، ونشوف طلب الرشوة بالايميل وسدادها بالفيزا كارد..
وعجبي
*******
حلوة يا بلدى
مبحسش إن بلدنا حلوة غير لما باسمع اغنية داليدا (حلوة يا بلدي).. ده طبعا بغض النظر عن إنها غنتها.. وانتحرت بعدها
*******
تربية السلاحف
الحكومة أعلنت عن مشروع لتربية السلاحف بتمويل عربي ودولي هايتكلف 280
مليون جنيه تقريبا، شوفوا انتو بقى المبلغ ده كان ممكن يبني كام شقة ولا
يوفر كام وظيفة.. ليه يارب ما خلقتنيش زحلفة
*******
إنجازات الحكومة
من أهم إنجازات الحكومة نجاحها في توحيد المصريين بمختلف انتماءاتهم على كلمة واحدة .. حسبي الله ونعم الوكيل
*******
استعدنا الصباع
الحمد لله.. مصر استعادت صباع اخناتون من سويسرا بعد 103 عام من سرقتها.. ايوة طبعا، كله الا الصباع..
منقول للضحك بس
مفيش أغراض سياسية [ندعوك للتسجيل في المنتدى أو التعريف بنفسك لمعاينة هذه الصورة]
غالي
بعض المصريين فرحوا لفوز د.يوسف
بطرس غالي بمنصب مهم في صندوق النقد الدولي، بس مصريين اكتر زعلوا لما
عرفوا ان المنصب الجديد مش هايخليه يسيب الوزارة
*******
طابور الصباح
وزير التعليم اتأخر على موعد زيارته لمدرسة، والمديرة نزلت العيال من
الفصول عشان يعيدوا الطابور تاني قدام سيادته، لكن اللي يفقع اكتر ان
الوزير ينصح التلاميذ في كلمة الصباح بأهمية تحقيق المزيد من الجودة
والإتقان في العمل
*******
المصري بيشمت في مصائب بلده
مين قال ان المصري بيشمت في مصائب بلده، قطع لسان اللي يقول كده، المصري عمره ما يشمت في مصايب بلده، بس هو يحس الأول انها بلده
*******
القطن المصري
التقارير الرسمية حذرت من خطورة تراجع مساحة الاراضي المزروعة بالقطن في
مصر وقالت اننا بقينا نستورد القطن من اسرائيل لكن وزير الزراعة خرج علينا
بتصريح عجيب وقال ان الوضع ده في صالح الفلاح المصري لأن السعر ارتفع بعد
تناقص الانتاج.. اللهم اني صائم
*******
خبراء اجانب لتقدير فاتورة الميه
الحكومة هاتجيب خبرا اجانب يقدروا قيمة فاتورة الميه، يا ريت الخبرا دول
ما ينسوش يحسبوا مصاريف علاج الأمراض الناتجة عن شرب الميه وحرق دم
المواطنين اللي الميه بتجيلهم ساعتين بس في اليوم والاّ والله نطالب احنا
كمان بخبرا اجانب يجيوا يمسكوا البلد بدل الحكومة دي
*******
تصدير جلود الحمير للصين
الحكومة وافقت على تصدير جلود الحمير للصين لكن ماتعرفش لحوم الحمير دي
بتروح فين، متهيألي لو كلفوا نفسهم وعملوا حملة زي بتاعت حلاوة العنتبلي
عالجزارين وبتوع الشاورمة والحواوشي هيلاقوا الحمير اللي اتدبحت قاعدة
تنهق في بطن الناس قدام المحلات
*******
مباراة الاهلى والحكم في قضية العبارة
صدفة غريبة جدا.. مش ملاحظين ان الحكم في قضية غرق العبارة كان فى نفس
اليوم لمباراة الاهلى والزمالك.. تفتكروا الناس بكرة هتفتكر الحكم كان ايه؟
*******
لا اعتراض على قضاء ربنا
بمناسبة الشاب اللي اول ما رجعوه مطار القاهرة قرر ينتحر بدل مايبوس الارض
زي زمان.. واحد بيقول لزميله لو لم أكن مصريا كان يبقى قشطه جدا، زميله
نهره بشده وقاله حرام عليك لما تعترض على قضاء ربنا
*******
مطار الانفاق
موضوع تاكسي رجال الاعمال الطائر بيفكرني بالإعلان بتاع مطار الانفاق..
البيه يديلهم مسداية يفتحوله المطار وفيه تلاقي الجيم والمول وكل
الحبشتكنات واحنا تحت نكح تراب.. الا صحيح مفيش اخبار عن الاسعاف الطائر؟
*******
الصحافة فين واحد معقم اهوه
الاوربيين مش عاجبهم مستوى النظافة في مستشفياتهم وعاوزينها تتعقم اكتر..
امال لو حد منهم دخل مستشفياتنا هايعمل ايه؟؟.. اكيد هايجري وتطلع
الجراثيم والامراض تجري وراه تقول: الصحافة فين واحد معقم اهوه
*******
ما تروحوا إسرائيل
غاز طبيعى لإسرائيل.. أرز لإسرائيل .. عجول لإسرائيل.. أمن لإسرائيل.. أكل
لإسرائيل.. شرب لإسرائيل.. كله لإسرائيل .. مينفعش الحكومة ترحمنا وتروح
بالمرة هى كمان إسرائيل
*******
عزبة أبوهم
مصر بتبيع الغاز الطبيعي لحبايبنا وجيرانا الاسرائيليين الطيبين ب1.6
دولار للوحدة وهو بيتكلف 2.6 دولار للوحدة وممنوع نزود سعره مهما حصل طول
مدة العقد اللى هو تقريبا كله سري.. هو احنا عايشين في دولة ولا حاجة تانية
*******
ميزانية الداخلية وميزانية الصحة والتعليم
في الدول (المتحضرة) يأتي الاهتمام بالعلم و الصحة في المقدمة وفي مصر
تخفض ميزانية محو الامية من 50 مليون الى 10 مليون جنيه كما خُفضت ميزانية
التعليم بمقدار مليار و 900 مليون في حين زادت ميزانية الداخلية (الاعلى
بين الوزارات) مليار و180مليون جنيه.. فعلا بلدنا بتتقدم بينا وسلملي على
الفكر الجديد
*******
لا تعليق على احكام القضاء
في يوم واحد وفي توقيت متقارب.. الحكم مدنيا ببراءة هاني سرور وكل من معه
في قضية اكياس الدم الملوثة.. والحكم عسكريا بالسجن على 25 من الجماعة
اياها في القضية اياها.. حد فاهم حاجة؟
*******
احنا ما بنعرفش ناكل
أكّد وكيل أول وزارة التضامن في برنامج حديث المدينة ان مشكلة الخبز انتهت
وان حصة الدقيق كافية لانتاج خبز يكفى الشعب كله و كده اتضح ان المشكلة فى
الشعب لأنه ما بيعرفش ياكل وبيحب الطوابير والزحمة ومش واخد باله ان
المشكلة حلها انه ياكل فينو وبيتي فور
*******
الحكومة ضارة جداً بالصحة
بعد إلغاء دعم الخبز وغلاء السكر والأرز والزيت والسمن وباقى ضروريات
المعيشة قررت الحكومة استيراد أحبال جيدة الصنع تصلح للشنق، مع استيراد
أطنان من سم الفئران. وهذا لزيادة الطلب على الأصناف المذكورة!! على أن
يكون مكتوبا على كل حبل وعلى كل علبة سم... الحكومة تضر بالصحة وتسبب
الوفاة
*******
غاز مصر ياعيني عليه
وزير البترول يصرح بأن أسعار عقد الغاز مع اسرائيل سرية.. عنده حق يا
جماعة ..هو الغاز بتاع الشعب المصري علشان يسأل على سعره والارباح اللى
جاية منه؟!.. دا بتاع الحكومة والرجالة الكبار.. بطلوا حسد وقرّ على الناس
*******
صباحو وطنية
الفنانة الكبيرة شيرين.. آه ياليل سابقا، وماشربتش من نيلها حالياً..
سافرت أمريكا علشان تولد وبنتها تاخد الجنسية الأمريكية.. وسلّملي على
الاغاني الوطنية وأهو كله اكل عيش.. وسلام كبير للوطنية
*******
احنا أسُود على بعض بس
السيد الاستاذ احمد ابو الغيط.. يعني ما سمعناش انك كسرت رجل حد من
الاسرائيليين لما الطفلة المصرية اتقتلت على الحدود بالرصاص.. هو احنا
أسود على بعض بس؟
*******
الرواتب العالمية
تبرر الحكومة ارتفاع الأسعار بانها ظاهرة عالمية.. طيب يا ترى هل ستصل الرواتب فى مصر إلى العالمية أم ستظل محلية؟
*******
اتفقوا علينا احنا
يا جماعة احب اهنيكم بالمناسبة السعيدة فأخيرا اتفق وزراء الداخلية والإعلام العرب على حاجة.. بس المشكلة انهم اتفقوا علينا احنا
*******
البرلمان الأوروبي ينتقد حالة حقوق الإنسان في مصر
مصر تستنكر بشدة وترفض رفضا قاطعا مشروع القرار المقدم إلى البرلمان
الأوروبى حول حالة حقوق الإنسان فيها وسرور يهدد بفتح ملفات انتهاك حقوق
الإنسان فى أوروبا.. لا تعليق
*******
مصر المـ(خـ)ـروسة
هو بعد كل شهر والتانى يموت لنا واحد على الحدود مع إسرائيل و بعد كده
يرجعوا يقولولنا معلش ماخدناش بالنا إحنا غلطانين؟.. أنا عايز أعرف حاجة
هو إحنا ما بنغلطش زيهم ليه؟!؟
*******
الحرية
من أبرز احداث 2008 اتساع هامش الحرية فى مصر بشكل غير مسبوق، فالآن
المواطن يستطيع أن يختار وبكل حرية.. كارت.. كنترول .. أو خط فاتورة مفتوح
*******
تطبيع
سمعنا أن الحكومة ناوية تطبّع مع الإيرانيين.. أنا بقولها من باب أولى انها تطبّع مع المصريين الأول
*******
عقبال المترو
تعتزم الحكومة تشغيل قطار سريع يقطع المسافة بين القاهرة والإسكندرية في
45 دقيقة.. نتمنى تشغيل مترو يقطع المسافة من حلوان الى المرج في نفس المدة
*******
الأرض الزراعية
لمواجهة مشكلة نقص مساحة الأرض الزراعية وللحد من إستيراد المواد الغذائية
بالدولار يمكن للحكومة زيادة الإنتاج الزراعي ومضاعفة مساحة الأرض
الزراعية وذلك بصدور قرار وزاري بجعل الفدان 12 قيراط بدل 24 قيراط
*******
الاخضر خدمة مميزة
الحكومة مشكورة ممثلة فى هيئة النقل العام عاوزة تعمل خدمة مميزة
للمواطنين فقامت بطلاء الاتوبيسات والمينى باص القديمة باللون الاخضر
وضاعفت الاجرة وكتبت عليها (خدمه مميزة) امال لو بقى لونها تيريكِواز
الأجرة هاتبقى بكام؟
*******
حرق القش
محافظة الدقهلية تحيل عشرات المزارعين إلي النيابة العامة لقيامهم بعمليات
حرق لقش الأرز في وضح النهار.. أحسن.. علشان مش صابرين لما الليل ييجي
*******
التقدم في مصر
بعد الاعلانات عن التقدم العلمي والصناعي والزراعي الرهيب اللى بتشهده مصر
واللى القنوات المحلية خلتنا حفظاها.. خلاص مابقاش بينا وبين اليابان إلا
خطوة واحدة
*******
مكافأة جنيه زيادة لعمال النظافة في كفر الشيخ
مجلس محافظة كفر الشيخ قرر زيادة أجور عمال النظافة من 6 جنيهات يوميا إلى
7 جنيهات وذلك تشجيعا لهم.. يالاّ علشان يجوزوا العيال واللي عاوز يبني
الدور التاني كمان واتبرعوا بالباقي لسداد ديون مصر.. وعجبي
*******
تحت خط الفقر
وزير التنمية
الاجتماعية بيقول ان 3% بس من الشعب المصرى تحت خط الفقر.. واضح ان اللى
كتب البيان لسيادة الوزير غلط وبدل ما يكتب: فوق.. كتبها: تحت
*******
الجركن
بعد أزمة المياه يبدو أن ثقافة الجركن ستجتاح مصر وسيصبح من لوازم جهاز
العروسين.. وسيخرج مطرب يغني الجركن الجركن.. ويتنافس مرشحو البرلمان على
شعار الجركن.. بلا بنية اساسية بقى بلا بتاع
*******
عصر الحكومة الذكية
مصر فيها حكومة ذكية هاتعمل محطة فضائية وتبني مفاعلات نووية والناس
هاتركب المواصلات بكروت الكترونية.. بس مش عارفة توصل المَيّه للحنفية..
وعجبي
*******
الفلوس بتروح فين؟
اتفاقيات بالملايين للتنقيب عن الغاز وقناة السويس تحقق ارباحا قياسية
خلال الاشهر الماضية واراضي وشركات تباع بالملايين.. نفسي اعرف الفلوس دي
بتروح فين؟
*******
بلدنا بتتقدم بيهم
في نفس اليوم اللي كانت ايران بتحتفل فيه باطلاق اول قمر صناعى تصنيع
محلى، رغم الحصار اللي بتتعرض ليه من الغرب، كان دكتور نظيف بيلقي خطابه
في مجلس الشورى وسط الظلام بعد الكهرباء ما قطعت 4 مرات.. فعلا بلدنا
بتتقدم بيهم
*******
مجزرة غزة
واحد صاحبي بعد ما شاف الجثث والمصابين ومشاهد الدمار في غزة قالي: ايه ده هي الحكومة المصرية بتكره حماس قوي كده؟
*******
مصير عم صبحي
بعد ما اتضرب بوش بالحذاء قال عم صبحي ماسح الاحذية على مقهى بوسط البلد
بالقاهرة: والله انا خايف الامريكان يقرروا ان تمشي الشعوب العربية حافية
خشية تكرار الامر مع روساء وطغاة آخرين وساعتها هضيع انا في الرجلين
*******
اعلام الريادة اللي كاسفنا
التليفزيون المصري اشترى المسلسل التركي مهند ونور بعد ما الدنيا كلها
شافته وحفظته بخمسة مليون جنيه مش كان الاحسن يدفعوا المبلغ ده في تطوير
البرامج ولا تدريب المذيعين بدل اعلام الريادة اللي كاسفنا في كل حتة ده
*******
جلد الاطباء المصريين
وزير الداخلية السعودي زعلان من "تطاول الحملات الصحافية المصرية على
الشعب السعودي" ووزارة الصحة السعودية بتتهم وسائل الاعلام المصرية
بالغوغائية.. معاكو حق ماهي اصلها لو ماكانتش اميرة سعودية ما كانش العقاب
عدى عقوبة شارب الخمر.. وعجبي
*******
بلد العجايب
بسبب سيل الإعلانات اللي بتروج للمنتجعات والقرى السياحية اصبح الجيل
الجديد من الاطفال يعتقدون ان الهيلكوبتر والتليفريك هما وسيلة المواصلات
اللي بيستعملها عامة الشعب وان اللعبة الشعبية الأولى فى مصر الآن هى
الجولف
*******
البورصة
الحكومة قعدت تقولنا استثمروا فى البورصة وعملت الحملة الاعلانية بتاعة
سهم فى الايد انت مالك ومستفيد، وفي الاخر الراجل خسر تحويشة عمره في
البورصة وانتحر، آدي أخرة اللي يصدق الحكومة ويسمع كلامها
*******
محطة وحزب
في عام 1956 حاربنا انجلترا وفرنسا وإسرائيل.. وفي عام 1973 حاربنا
إسرائيل ومن خلفها أمريكا.. واليوم نحارب محطة تليفزيون قطرية وحزب لبناني
*******
إسقاط الجنسية المصرية عن الحكومة
يا ريت اللي بيطالبوا بإسقاط الجنسية المصرية عن كل مصري اتجوز من
إسرائيلية ماينسوش كمان الناس اللي بقالهم سنين طويلة متجوزين إسرائيل
نفسها
*******
هشام طلعت
الدفاع عن هشام طلعت بيقولوا أنهم هايركزوا في مساعيهم لإنقاذ رقبته من
المشنقة على دوره في توفير فرص عمل للشباب وانه احد أعمدة الاقتصاد
المصري.. مش ناقص غير انهم يطالبوا المحكمة بتكريمه وإعطاءه شهادة تقدير
*******
عز والبنزين
أحمد عز اجتمع بمسئولي البترول وطلع بعدها وقال لا تفكير في رفع أسعار
البنزين، والنبي ياخواننا حد يفكر الجماعة دول بحاجتين، أولاً: ان سعر
البترول نزل في العالم كله لتلت تمنه تقريبا، الحاجة التانية والأهم: ان
احمد عز مش وزير البترول
*******
نقل الحديقة
الحكومة قررت نقل حديقة حيوان الجيزة إلى مدينة 6 أكتوبر وبيع ارضها للمستثمرين.. الحمد لله ان الزرافة ماتت قبل ماتشوف اليوم ده
*******
مسااااء الخيييييير
مساء الخيييييير.. الحكومة استوردت 13 الف طن ذرة فيها بذور حشيش.. ويبقى
كدة الحكومة مش حرمانا من حاجة.. بتأكّلنا وتكيّفنا.. ربنا يخليكي لينا يا
حكومتنا ياام دماغ عالية يامظبطانا
*******
اسكواش في السيدة
الدكتور سرور افتتح ملعب اسكواش في السيدة زينب.. أظن كده هانت ومش فاضل
للحكومة غير حاجات بسيطة وتحل مشاكل العشوائيات في القاهرة، يدوبك صالة
بولينج في اسطبل عنتر وملعب جولف 18 حفرة في حكر ابو دومة
*******
وزارة الكهربا واللمبات
وزارة الكهرباء تدعو المواطنين لترشيد استهلاك الكهرباء وشراء لمبات موفرة
للطاقة.. طيب ما توفروا على المواطن فاتورة النظافة الاول اللي بيدفعها
وبرضه بيشيل الزبالة بنفسه.. ولاّ هو الباشا صاحب مصنع اللمبات مش عارف
يسوّق انتاجه في مصر؟
*******
عادتنا ولاّ هانشتريها
كلاكيت عاشر مرة.. ممكن نوصل كاس العالم لو فازت فلانة على علانة واتعادلت
سين مع صاد وفزنا في باقي المباريات بفرق تسع اهداف، بس يا خسارة ده ما
بيحصلش وفى الآخر فلانة اوعلانة هما اللى بيوصلوا.. عادتنا ولا
هانشتريها.. والى اللقاء في 2014
*******
التغيير الوزاري
يعني يوم ما ربنا يكرمنا بالتغيير الوزاري اللي بقالنا سنين بنطالب بيه،
يتشال وزير الري اللي محدش سمعله حس وتتعاد وزارة السكان اللي محدش عارف
بتعمل ايه بالظبط، صحيح اللي ليه ضهر مايتشالش في تغيير وزاري محدود..
ويطلع لسانه للشعب المهدود
*******
أسئلة بريئة
أسئلة بريئة.. ليه التلوث محاوطنا في كل حتة رغم ان رئيس الحكومة اسمه
نظيف، وليه الغم راكبنا رغم ان رئيس مجلس الشعب اسمه سرور؟ ليه التعليم في
الجامعات في الأرض رغم ان وزير التعليم العالي اسمه هلال؟ لو عرفت الإجابة
اتصل بالحزب الوطني لتفوز بجائزة قيّمة: سيخ ماركة حديد عز
*******
المواقع الاباحية
القضاء امر بحجب المواقع الاباحية في مصر، بس يا خوفي الحكومة تفهم الحكم
دي بطريقتها وتقفل مواقع المعارضة والبلوجز، وأي موقع يوجعلها دماغها
تقولك قفلناه لأنه اباحي، انت هاتعرف اكتر من الحكومة؟
*******
فول مصر العظيم
الحمد لله على نعمة الفول، ربنا حارسه من الأنفلونزا وأمراض الطيور
واللحمة، اللي هي أصلا أكلات موسمية ونسيناها من زمان.. ربنا يحميك يا فول
مصر العظيم
*******
الحكومة بتحفظ مش بتفهم
اتعودنا كل ما يحصل حريق الحكومة تقول ان السبب ماس كهربائي، وساعة ما
العربية انفجرت قدام الكنيسة قالوا برضه ان السبب ماس كهربائي، واضح جدا
ان حكومتنا فاهمة مش حافظة
*******
تقديم الساعة
المفروض نحتفل كلنا باليوم القومي لتقديم الساعة في التوقيت الصيفي علشان باين كده ان هي دى الحاجة الوحيدة اللي بتتقدم في مصر
*******
الشتيمة بتلزق
مصر بتدعو ليبرمان لزيارتها ودعوه رسمية سلمهالوه مدير المخابرات في
القدس، مش ليبرمان ده برضه اللي شتم مصر؟ ولا احنا بنتعامل مع اسرائيل
بمبدأ اللي بيشتم ربنا يسامحه والشتيمة مبتلزقش؟
*******
بعد زيارة اوباما
بعد انتهاء زيارة اوباما للقاهرة، الحياة رجعت مرة تانية لطبيعتها، الفوضى
رجعت والزحمة رجعت والدوشة رجعت.. والزبالة عادت إلى قواعدها سالمة
*******
الحمد لله
أخيرا ضمنت وظيفة في أوروبا بعد 41 سنة من دلوقتي بعد تصريحات الوزيرة أن
أوروبا حتحتاج للعمالة العربية سنة 2050.. أهو الواحد يكون لشّه في عز
شبابه برضو ويبدأ يكوّن نفشه ويتجوّش وهو عنده شبعين شنة
*******
رسالة
الحكومة هاتبعت رسالة على موبايل سائق السيارة بتسجيل مخالفة مرورية له
فور ارتكابها، وطبعا السائق هايمسك الموبايل عشان يشوف الرسالة فيروح واخد
مخالفه تانية عشان استخدم الموبايل اثناء القيادة، ويبعتوله رسالة بيها،
فيمسك الموبايل فياخد مخالفة تالتة.. ويفضل كده لغاية مايروّح بيته
بالسلامة
*******
تغيير
كم جاموسة نحتاج للتغيير؟؟
*******
اقتراح للحكومة
عندي اقتراح حلو للحكومة هاتخليها تضرب عصفورين بحجر واحد.. ممكن تعاقب اللي بيحرقوا قش الارز بالحكم عليهم بركوب قطار الصعيد
*******
أعداء المصريين
اهم المتسببين في مصرع المواطن المصري هذه الايام: الماس الكهربائي..
المختلين عقليا.. الرصاص الخطأ.. الهبوط المفاجيء في الدورة الدموية اثناء
التواجد باقسام الشرطة.. والان اضيف لهم: الجاموس
*******
السبب المعتاد لكل الحوادث
صرح مصدر مسئول أن سبب حادث قطار العياط هو تعرض جاموسة "مختلة عقليا" الى
"ماس كهربائي" مما أدى الى سقوطها "قضاء و قدرا" أمام القطار
*******
انت في مصر
بعد حادث العياط هيكون الشعار الجديد لهيئة السكة الحديد: المصرى اللى على حق.. يموت فى القطر من غير ما يقول لأ
أو: متخربش القطار سيبهولنا واحنا حنتصرف، استعد انت بس للقاء رب كريم
*******
واتشافيزاه
بعد ما شاف كتير من العرب المواقف القوية والجريئة اللي اتخذها زعماء
اجانب في مواجهة العدوان الاسرائيلي على غزة بعكس مواقف حكامنا الحكيمة،
تغير النداء التاريخي الشهير: وامعتصماه.. إلى: واتشافيزاه و: واأردوجاناه
*******
من اجل مين؟
شعار مؤتمر الحزب الوطني هذا العام "من أجلك أنت" .. "أنت" دي راجعة على مين بالظبط؟
*******
عساكر الجيش
بطولة كأس العالم للشباب اللي استضافتها مصر حققت رقم قياسي في نسبة
الحضور الجماهيري للمباريات بعدد 1295568 مشجع.. اكتر من نصهم عساكر جيش
لابسين ترنجات ملونة
*******
عباس
عباس بيقول ان قيادات حماس هربت على سينا في سيارات اسعاف وقت حرب غزة..
ده طبعا على اساس ان مصر وكالة من غير بواب.. بس البشمهندس ابو مازن نسي
يقولنا سعيد صيام ونزار ريان وولاد محمود الزهار استشهدوا في انهي منطقة
في سينا بالظبط؟
*******
شعب الله المحتار
مفيش شعب على وجه الارض محتار دلوقتي زي المصريين.. 2/صفر تطلعنا كاس
العالم ولاّ لأ؟، نودي عيالنا المدارس ولاّ لأ؟، النقاب صح ولا لأ؟، الحج
هيتلغي ولا لأ؟، مصل انفلونزا الخنازير مضر ولا لأ؟.. بقينا شعب الله
المحتار
*******
النقاب
المسلمين معتصمين داخل المسجد الأقصى لحمايته من الصهاينة المتعصبين اللي
عايزين يقتحموه.. والعالمة الإسرائيلية فازت بجائزة نوبل في الكيمياء..
واحنا عمالين نقطع في بعض ونتخانق ونصرخ: النقاب صح ولا غلط؟
*******
إيطاليا هي عقدتنا
كنا فاكرين اننا بقينا عقدة ايطاليا، طلعت إيطاليا هي اللي عقدتنا.. دايما
بعد ما نفوز عليها نخسر الماتش اللي بعده من فريق ضعيف ونودع البطولة اللي
بنلعب فيها.. بلاش نفوز على إيطاليا بقى بعد كده
*******
شاليط
اسرائيل بقالها 3 سنين بتتفاوض على جندي أسير ولسه بيناضلوا علشان يحرروه،
ورضيوا يفرجوا عن 20 اسيرة مقابل دقيقتين فيديو عنه.. هما الجماعة دول
مكبرين الموضوع ولا احنا اللي ما نعرفشي قيمه البني ادم؟
*******
الاسماء الخماسية
خلاص يا جماعة بقينا متخصصين في ترويق ايطاليا الف مبروك يا شباب مصر.. بس
فيه ملاحظة بسيطة.. نفسي اعرف مين العبقري صاحب فكرة كتابة اسماء اللاعبين
خماسية على شاشة التلفزيون المصري.. هو احنا هانطلعلهم بطاقة؟
*******
إيران
وزير الخارجية احمد ابو الغيط بيقول ان إيران دولة إسلامية صديقة وشقيقة
وليست عدوا وان الخطر جاي من القدرات النووية الإسرائيلية.. بجد حمد الله
على السلامة
*******
الدكتور: نظيف
سؤال لرئيس الوزراء الدكتور (نظيف) .. تفتكر يا دكتور (نظيف) ينفع شوارع
القاهرة والجيزة تبقى بالقذارة دي يا دكتور (نظيف) واحنا سنة 2010 يا
دكتور (نظيف)؟
*******
تصدير الغاز
طبعا الحكومة دلوقتي مزقططة بعد حكم القضاء الاداري بالغاء الحكم السابق
بوقف تصدر الغاز لإسرائيل، واي حد هايتكلم في الموضوع ده هاتقوله انا
معايا حكم محكمة وكله بالقانون، إلا صحيح، ايه اخبار ازمة انانبيب
البوتاجاز؟
*******
ليه يا بلدى
بعد العناء والبهدلة روحت بيتي وبفتح التليفزيون عشان انسى همومي واتفرج
على ماتش الفريق اللى بحبه لاقيتهم بيقولوا مش هانذيع الماتش عشان ازمة
البث.. ليه كده يا بلدى ده.. انا حتى والله عملت كل اللى بيقولوا عليه..
شربت من نيلها وجربت اغنيلها
*******
معاملة اليهود
فرحنا جدا بأخبار تركيب الغاز الطبيعي فى مناطق كثيرة.. الحمد لله اخيرا الحكومة عاملتنا معاملة اليهود
*******
كوانتم إنتانجلمنت
الدكتور زويل بيقول ان العالم سيشهد ثورة تكنولوجية اسمها كوانتم
إنتانجلمنت هاتخلي الإنترنت حاجة قديمة.. يا سلام، طب وايه يعني، ما احنا
كمان الحكومة بتاعتنا ابتكرت مشروع فصل الانتاج عن التوزيع وقضت على 70%
من مشكلة رغيف العيش
*******
يا شباب
الخارجية بتحذر الشباب المصري من عواقب الهجرة غير الشرعية لأوروبا عبر
أوكرانيا.. قصدها يعني يا شباب تشوفوا دولة تانية تهاجروا منها لأوروبا
*******
التدخل الخارجي
أحمد عز بيقول ان السيارات الفارهة والمحمول دليل على رفاهية مصر، ونحن
بدورنا كمصريين نرفض التدخل الخارجي ونطالب عز وحزبه وحكومته بعدم التدخل
في شئون مصر واصدار تصاريح كاذبة عن بلادنا..هم مالهم ومالنا؟
*******
نية عز
يا أخي أحمد عز ده في شيء لله، الراجل يا دوب قال تصريحه بتاع رفاهية
المصريين من هنا ويقوم ربك باعتله نتيجة استطلاع دولي بيأكد ان المصريين
اكتر شعب في العالم ساخط على أوضاعه المالية.. روح يا شيخ ربنا يديلك على
قد نيتك كمان وكمان
*******
اهانات
مروة الشربيني اتقتلت في المانيا عشان محجبة، والرئيس السادات اتهان في
فيلم امريكي، ومشجعي نادي شالكة الالماني بيسيئوا للرسول، والسفارات
الأوربية بتهين المصريين في القاهرة.. هي الناس دي مش لاقية حد يلمها ولا
إيه؟
*******
حرق الاسعار
السيد عقيل بشير رئيس الشركة المصرية للاتصالات يتهم شركات المحمول بحرق
الاسعار لتخفيض قيمة المكالمات ويصفها بأنها ليست في صالح المواطن!!!..
أمال رفع السعر بأثر رجعي وزيادة قيمة الاشتراك والاحتكار هو اللى في صالح
المواطن يا سيد عقيل؟
*******
كذبة ابريل
ابوتريكة راح الزمالك.. الحكومة رخصت أسعار البنزين وزودت المرتبات بنسبة
25%.. وقررت منع تصدير الغاز لإسرائيل وصرف إعانة بطالة للشباب.. كل سنة
وانتوا طيبين.. دي عينة من كذبة ابريل اللي انتشرت السنة دي
*******
قانون الطوارئ
الحمد لله قانون الطوارئ اقتصر على الارهاب والمخدرات.. وبكده القانون ح يدي الحق للمعتقل انه يختار يكون ارهابي أو تاجر مخدرات
*******
الرشوة بالفيزا كارد
وزير التنمية الإدارية بيقول ان تقديم الخدمات الحكومية عن طريق الانترنت
هايقلل من الفساد بين الموظفين، بس يا خوفي الموضوع يرسى في الآخر على
تطوير الفساد نفسه، ونشوف طلب الرشوة بالايميل وسدادها بالفيزا كارد..
وعجبي
*******
حلوة يا بلدى
مبحسش إن بلدنا حلوة غير لما باسمع اغنية داليدا (حلوة يا بلدي).. ده طبعا بغض النظر عن إنها غنتها.. وانتحرت بعدها
*******
تربية السلاحف
الحكومة أعلنت عن مشروع لتربية السلاحف بتمويل عربي ودولي هايتكلف 280
مليون جنيه تقريبا، شوفوا انتو بقى المبلغ ده كان ممكن يبني كام شقة ولا
يوفر كام وظيفة.. ليه يارب ما خلقتنيش زحلفة
*******
إنجازات الحكومة
من أهم إنجازات الحكومة نجاحها في توحيد المصريين بمختلف انتماءاتهم على كلمة واحدة .. حسبي الله ونعم الوكيل
*******
استعدنا الصباع
الحمد لله.. مصر استعادت صباع اخناتون من سويسرا بعد 103 عام من سرقتها.. ايوة طبعا، كله الا الصباع..
